囝囝五歲半 , 我用過很多方法包括身教 , 都好難另佢很容易的說出 sorry. 例如在火車內他不小心的踩了別人一腳 , 當我叫他 say sorry, 他有時不肯 , 因為佢跟我說是那人先撞倒他 , 那人應該先說對不起 , 那時場面 embarrassing. 最後唯有我代他說 sorry 啦 . 事後我都有同佢解釋 , 不過佢依然堅持係那人不對 , 我當然知啦 , 人多擠迫的地方 , 碰碰撞撞少不了加上他們的高度問題 , 這些事情的發生真時每天的 . 有時 daddy 會罰他 , 真係軟硬都試過 , 都唔得 , 冇曬符 .
但係當佢自己覺得自己真係做錯 , 叫佢對家人說 sorry, 他倒沒拒絕 .
還有種情況是他不知自己踩倒人 , 但那人用眼 ”bear” 實佢 , 又或者說細路你有冇攪錯呀 , 你踩倒我 , 佢一樣唔肯 say sorry. 雖然我覺得那些人好小家 , 但 我都一樣要代他說 sorry. 因為始終係佢踩倒人 .
不過連家傭都有同樣問題 , 佢住住都很堅持自己的 point of view, 不喜歡對囝囝 say sorry. 就剛過去的星期三 , 囝囝一向喜歡玩 cooking, 晚上和他一起做麻糬 , 由於要等第一次焗好才可以唧第二次粉漿 , 我叫他先練琴 , 其間第一次做好 , 我不想打擾他 , 便叫家傭代勞唧第二次 , 留回第三次給他做 , 誰知她一次過做曬 , 囝囝練完琴見到冇佢份唧 , 當然大發庳氣入了自己房 , 我和傭人說 , 你幫我逗番佢 , 但傭人因為囝囝發庳氣話佢不對及大力關門 , 就沒理他回自己房做家務 , 一會兒囝囝回到 kitchen, 不論我如何幫姐姐跟他解釋 , 他還是很 angry, 他不斷說我答應給他做，點解姐姐做咗佢ｄ嘢， 應該係姐姐先對他說對不起才對， 接著他入了姐姐房， 好心心不忿的 Say sorry, 之後他還說 , you are maid, you should let me to do all the things. 佢真係明 D 唔明 D 囉 . 姐姐當然不高興 , 依然不向囝囝 Say sorry. 最後到我發怒了 , 叫姐姐走 , 因為佢唔識教我囝囝 , 並冇將大事化小 , 小事化無 . 咁即刻兩個都靜曬 . 姐姐由囝囝兩歲半開始湊佢 , 所以囝囝唔捨得佢走的 .
大概 10 分鐘後我叫工人姐姐過來跟她談談 , ( 囝囝也在場 ), 用玻璃杯撞玻璃杯的例子希望她知道如果大家都企硬 , 最後會不歡而散 . 我在家是這樣 , 我不在家是不敢想像 . 因此引起我想點解 ”say sorry ＂係咁難呢？
其實我自己唔會吝嗇對囝囝 say sorry 的 , 佢打電話都 office 給我投訴我放咗佢本簿入書包唔前一晚冇話佢知 , 我都即刻講對唔住 , 連我同事聽到都好笑 . 但係咁對叫佢講對唔住的幫助好似不大 , 當佢覺得自己對時 , 真係好難叫到佢講囉 .
|
發表於 2009-3-7 09:58
| 
﹞。