家長同學會 - Powered by Discuz! Board

標題: 女兒和爸爸相處有點困難 [打印本頁]

作者: s1013029 時間: 2010-5-13 12:58 標題: 女兒和爸爸相處有點困難

我的小囡兒已三歲四月大, 近日發覺她經常對爸爸有很多投訴, 睡前又不肯和爸爸說聲goodnight, 又唔錫又唔親爸爸, 經常對我說爸爸攪她的玩具, 食她的小食.....等等諸多不滿.

昨晚我丈夫為了囡兒近日對他的態度如此冷淡和阿囡N咁多次的拒絕他, 終於按捺不住發起火來, 把自己關入書房中不想和阿囡說話, 我看見這個情況即刻和囡囡說 "爸爸很傷心你拒絕他, 很傷心你不肯goodnight他", 叫囡囡去親親爸爸, 但我的囡兒竟然大喊起來, 不停咁喊, 我隱約地聽到她說 "爸爸好惡我好驚爸爸", 但其實我丈夫是很鍚她, 經常逗她玩, 從出世至今無打過囡囡, 每天放工回家一定親親她, 放假又陪她四圍去玩, 我都唔明白為什麼囡囡會這樣講, 我依家很煩惱處身佢哋兩個人中間, 怕處理得唔好會傷害到其中一個, 我都唔知點做好, 各位媽咪可否幫幫我呀!我想知道三歲半的小朋友是不是有這個情緒問題呀!

作者: s1010155 時間: 2010-5-14 09:26

hi, 你個情況同我個囡囡好相似, 我囡囡都係三歲幾四歲, 佢又係成日投訴daddy攪佢, 咁事實daddy又成日激起佢既小窮宇宙, 所以有次daddy回來, 我叫佢開門比daddy, 佢點都唔肯開門, daddy入屋後就唔同佢講野, 又話唔同佢玩, 當時亞女想向我撒嬌, 我話咁你唔啱喎, 亞女好嬲走咗入房, 我當時無立即入房, 目的是想佢自己先反思下先, 過咗十分鐘亞女行出嚟(通常佢知道自己做錯事都會無耐行番出嚟), 我好平靜咁同佢單獨講, 我們是一家人, daddy mummy 你是一家人, 唔可以成日鬧交, 唔可以話唔鍾意邊個邊個, daddy平時都係同你玩, 佢又無打你喎, 我問佢係咪, 佢答我話係, 我又話你是屋企一份子, 有d簡單既野都要幫手, 例如知道係daddy回來, 就要幫手開門等等... 個次之後, 每次daddy按鐘, 我話daddy回來啦, 佢都第一時間開門.

小朋友既問題, 同佢傾多d, 解決佢心中既煩惱, 仲有成日同佢講我地係一家人, 要互相幫忙, 互相愛護, 而且多d安排daddy同囡囡既單獨時間, 我有時都扮話睇電視叫佢同daddy玩, 等佢地自己有自己既遊戲, 好似daddy諗咗一個大長look既遊戲, 係同亞女攬住係床look來look去, 現在daddy一同亞女講話大長look, 兩個就一齊跑入房玩, 亞女都唔知幾開心. 你都嘗試下依個方法啦, 希望幫到你!

作者: s1010158 時間: 2010-5-14 10:24

哈哈！我都有同囡囡玩過類似既大長look，不過我地係各有各 look啫！

作者: s1008326 時間: 2010-5-14 12:21

我囡囡今年四歲幾都係咁樣, 唔鍾意daddy接佢放學, 單獨同daddy一齊之類, 我覺得係女兒開始大個女, 以為男仔同女仔不可以一齊玩, 連換衫去洗手間都唔鍾意比daddy知道之類, 我都會避免換衫果d由daddy去做, 但囡囡同daddy一齊玩果時又忘記了, 之後又會同我講唔鍾意佢, 唔想見到佢, 我都唔明白, 之前係超級daddy迷

作者: jenny2975 時間: 2010-5-14 15:05

從三歲幾到四歲幾是小朋友最鐘意say no的時候，唔鍾意你，唔想見到你，唔同你玩，唔要你，唔要呢樣，唔要個樣，我囡囡都係咁樣, 不過當佢同我講我唔要你，你同我走呀，我就同佢講媽媽很鍚你，你唔要我但係我要你架，你想媽媽走去邊，走入房，好啦，媽媽先回房間，大家一齊冷靜一吓！回了房過咗十幾分鍾，我就回佢身邊，看看佢既情緒如何，如果還不能平伏，再等一陣先跟佢講野，記住要平靜咁同佢討論呀！爸爸也是一樣咁處理。當然平時在佢心情好既時候，我也會提點佢，同爸爸講唔要爸爸，爸爸會唔開心同很傷心，舉例俾佢聽，如果(佢既朋友/玩具)同你講唔要你或唔同你玩，你都會唔開心之類！慢慢講，講到佢明為止，不過要掌握時候，環境，心情，情緒。。。。，不要隔硬嚟喎，唔得既就等下一次先講！希望幫到你! 加油！

作者: katherinetam 時間: 2010-5-14 22:41

可唔可以由爸爸親手送給女兒一份她喜愛的東西, 先打破彊局, 然後再說道理及了解事情!

作者: s1008326 時間: 2010-5-17 14:58

送玩具都試過, 你估佢傻咩, 同人講我唔睬daddy會有禮物o架

作者: emilyng007 時間: 2010-5-17 16:33

我個仔係超級仲意同我一齊, 但不太喜歡和爸爸玩.
我問Why? 個仔話
1.  我仲意ma ma
2.  重有Daddy 同我玩D 遊戲和方式都唔係我仲意果d, 咁佢自已玩啦!
3.  成講野激人地, 我覺得佢好仲意講野激到人地好嬲佢就好開心, 又成曰整鬼佢, 我又唔係玩具. (有時Daddy , 覺得攪嬲佢, 佢d反應表情好得意同好笑,  有時我都同個仔一齊嬲, 我地都係比較認真的人.)
4.  又唔比人講野, (Daddy講緊野, 個仔有野問, 跟住一個要講完, 一個要問先, 跟住crying)
5.  少讚佢
6.  要好難才能做到爸爸的要求( e.g. 限時做功課, 唔攪攪陣, 唔走來走去, 唔講野10 mintus….)
7.  常常要做到d野, Daddy才會有獎(等價交易).

後來同Daddy 溝通.
1.  我地set 個叫仔仔party time 的遊戲, 在這個時段佢話玩乜就玩乜, daddy & mama 冇得反對, 加強一家人的開心感覺.
2.  多尊重, 若果係玩同講笑要先講明, 個仔話: 我唔知, 會以為真, 會唔開心! 重有我可能唔仲意你玩果d 野ga!
3.  Daddy講緊野, 個仔有野問的Case上, eparent有次的文章很有用, 舉手發問, 心數5即回應, 很有用. 學個仔話: 你都要啋下我比d反應我 ga!
4.  搵多d 與子女溝通相關文章給 Daddy 看, 改善溝通方式.
5.  降低要求, 多d在個仔面前大大聲講佢d 叻野比Daddy 聽, 跟住Daddy 每次要以誇誇地的方式讚同欣賞佢, 要當面讚佢ga!
6.  同個仔講多d Daddy d 優點, Daddy為家庭的付出.
7.  問佢Daddy 邊D行為, 使佢唔喜歡才可適切解決 problem ga!
8.  減少以等價交易語句, 作為溝通, 因為父母對子女的愛, 很簡單無需計算只因你是我的心肝寶貝.

希望幫到你啦!

作者: s0902558 時間: 2010-6-15 00:31

我是一個家庭主婦,每天都和子女相處,但我對子女都很喜歡爸爸是因為我丈夫每天都會抽時間陪他們玩,因爸爸親子關係不容忽視!

歡迎光臨家長同學會 (http://eparent.schoolnet.hk/forum/)