家長同學會 - Powered by Discuz! Board

標題: 快3歲小朋友不聽教, 動不動就想動手打人我真的不知點教 [打印本頁]

作者: yenrachel 時間: 2009-3-27 14:43 標題: 快3歲小朋友不聽教, 動不動就想動手打人我真的不知點教

您們好!

我想問下我的小朋友近期不知咩原因好惡我每一次教她她不聽不但止仲想動手打我, ;而且仲用雙眼掘住人 ,表情是心心不憤而且有時仲應咀說不喜歡媽媽不相信您 ,奇怪我又沒欺騙過她不知她為何這樣說 , 她不敢打我 ,每次都是作裝想打我 , 我知她不敢, 但是她每次發脾氣佢都會動手打公公及婆婆.....真的不知怎樣教...為了此事真的好苦惱請教教我怎樣去改善她這樣的態度 . 謝謝 !

                                                                            心急人

                                                                              27/03/09

作者: alisoncheung 時間: 2009-3-27 21:27

兩歲多的小朋友還未十分懂得表逹自己, 有不開心會用不同的方法發洩, 真係個個不同, 不同性格會有不同的反應. 你可以去圖書館或書局, 找一些有關教分享,禮貌的圖書和她一起讀, (BRUNO 和PEPPER系列的書TELLS THE TRUTH, LEARNS TO TAKE TURNS, LEARS TO SHARE......等都很有用的), 問吓佢故事裏蝦人, 打人的小朋友對不對, 順便教埋佢分辨是非, 雖然不是一兩日就可以改變她, 不過持之以恆一定WORK, 我囝囝細個時都差不多, 我都係咁做. 另外, 小朋友應該好癡媽咪才是, 她不信你,可能你真係騙過她都唔出奇, 好多時大人隨口的一句, 小朋友會記在心, 而你又不以為意, 咁佢咪當你騙她囉.我都會嫁, 有時囝囝就我應承咗佢d乜,我都唔記得, 佢講起又好似係播, 咁咪同佢SAY SORRY, 之後再補做番囉. 但係又不是個個會同你講, 咁你要多觀察, 多d問, 多d傾計. 我覺得你最好用多d愛,多d愛心, 多d和她說道理來改變她. 啱啱囝囝行過來, 我將你的情形跟他說, 他便立即找好多好多書出來等我打d書名俾你. 順便我借題發揮又教吓佢囉, 問吓佢點算.

不知麥主任們同意不同意. 如有不足, 請補充.

作者: toitoi366 時間: 2009-3-28 01:07

你好呀 !

我小bb同你個bb一樣,你個個是男嗎?我在朋友當中發覺男仔係會常常動手打人推人...........其實我都吾知點好.~.~

作者: jacko 時間: 2009-3-29 01:32

Alison：您說得實在太好了！謝謝您的分享

yenyen：不妨參一下 Alison的意見。有時大人不經意「信口開河」，的確會令小朋友「記一世」的。回想一下，您會不會不經意承諾了小朋友一些事，令小朋友有所誤會？

曾家長：男孩子之間玩耍時，有時動作也許會多一點。不過，如果有些情況，小朋友動手打人的話，也許您可以試試直接告訴小朋友，有什麼事不可以做﹝例如：不可以打小明﹞。然後，示範給他看，在這個情況下，可以怎樣做。

當然，如果小朋友只是「玩來玩去」的話，讓他們活潑一下吧。活潑一點，才像個男孩子吧。

Jacko

作者: alisoncheung 時間: 2009-3-29 23:28

麥主任 ,

多謝你的稱讚 , 我都係過來人 , 而且我覺得我囝囝都比較難教 . 所以我都要時時想想新的方法 , 邊學邊用囉 . 我剛剛記起上兩個用發生的事真想和大家分享一吓 .

某個星期日婆婆 , 囝囝和我到海港城的波波池玩 , 我見佢入咗去玩 , 我順便行開去買東西 , 婆婆留守在波池外等他 . 我回來時婆婆告訴我有一個女人入內駡囝囝 , 駡得好厲害 , 連旁人也看不過眼 , 我當然要追問來龍去脈啦 . 原來係囝囝把另外一個年幾相約的女孩子推咗落樓梯 , 好在波池裏全部包了軟墊 , 那小朋友也沒有大問題 , 我回去時那件事已經 OVER, 我問婆婆當時佢點做 , 婆婆說沒有理會那女人 , 如果婆婆入去 , 她說一定忍不住和那人吵一頓 , 因為她駡得太過分了 , 連在波池內一同玩的大人也對婆婆說那人過火了 , 小朋友玩耍時有碰撞是在所難免 , 不值得似潑婦罵街的模樣老實說那女人的行為我不願致評, 但我覺得囝囝俾人駡是值得的 , 絕對不需要同情的 , 而我又覺得婆婆做得對呀 ! 有時好多老人家不問究竟都爭著自己的孫兒 , 我真不喜歡 . 我真的慶幸我不在場 , 如果不是 , 我真是一時間不知所措 . 我怕我都會一同駡囝囝 , 一下子怎樣忍呢 .

當囝囝出來時我當然要問過明白啦 , 原來那小朋友阻塞通道 , 囝囝說了得多次 ” 唔該借借 ” 她都不讓 , 而其他的通道也同讓被人阻塞 , 面對不知點算 , 囝囝又想繼續前進 , 咪推開她囉 . 一個五歲多的小朋友在情急時有這反應又是可理解的 . 對於他推人的行為 , 我當然要很嚴厲的責罵他一頓 , 不過這還未夠 , 我要他知道下次再有同樣事情發生要怎樣做 , 我用了塞車來做例子 , 如果前面塞住 , 後面又塞住 , 你便只有等 , 如果硬要撞過去 , 咁就會變撞車了 . 希望佢明白啦 . 不過下次如果佢再去呢 d 地方玩我都會不怕煩的提他多幾次 , 好過發生事之後我要跟別人道歉 .

我最愛面子的 DADDY 就最憎囝囝令他掉臉 , 而我 ??? 只有把面子兩字暫時收起來 , 只想快快教番好他 , 我真的經常在街上教仔 , 因為如果回家先教他 , 囝囝便不以為然 , 因為都事過景遷 , 教訓的力度通常都輕了很多 , 下次再重犯的機會也高得多 . 不過我都會找些較隱蔽的角落來做事的 . 囝囝的性格比較野蠻 , 真係好難教 .

昨天去同學的生日 PARTY, 因為前面另外一個同學仔遮住他 , 他看不到壽星仔的生日蛋糕 , 又起了爭執 , 我拉開他 , 他哭著前面的同學仔先用腳踢他 , 其實我都見到囝囝有踢同學仔我先拉開他 . 他還一邊哭一邊說不會放過他 , 真係好野蠻 ,叫佢原諒同學仔佢都不肯, 不過當時我說什麼也沒有用 , 因為他還很憤怒 , 我唯有找別的方法暫時引開他的注意力 , 後來他拾了兩個氣球 , 掉了一個落地給另外一個女同學拾了 , 他又發難了 , 我真的冇曬符 , 好彩時間夠要走了 . 離開之後他要我買回一個氣球給他 , 我和他說如果見到就買 , 見唔到都冇辨法 , 如果買唔到你想吓要點解決 , 佢又話要玩具 , 我當然唔想買啦 , 我話如果有玩具買又點 ? 佢話買糖 ….. 我話好啦 , 睇下點 . 鑑於我唔想騙他 , 最後係買咗扭蛋佢先停止 . 佢真係好煩 . 另外我都有叫佢想番如果下次有人阻住佢 , 佢要點做 , 佢冷靜之後就會答我行去第邊睇囉 , 唉 , 如果當時佢識想 , 咪唔駛哭囉 . 呢個生日會都去得好辛苦 .

作者: alisoncheung 時間: 2009-3-30 08:08

Sorry, 打錯字要更正.

..........我和他說如果見到就買 , 見唔到都冇辨法 , 如果買唔到你想吓要點解決 , 佢又話要玩具 , 我當然唔想買啦 , 我話如果有冇玩具買又點 ? 佢話買.......

作者: jacko 時間: 2009-3-30 18:07

您和婆婆很厲害呀。婆婆可以忍著孫兒被別人駡而不「回敬」別人，而您又可以持之以恆的教導喜歡堅持的囝囝，下一次如何做得好一點。

與之前您跟我們分享的例子比較，我看見囝囝已有進步了。現在，囝囝已開始在冷靜之後，懂得反思下一次可以如何改善。您的努力有成果了！恭喜您！

Jacko

作者: s0901922 時間: 2009-4-8 10:51

我係兩個小朋友的母親, 一個二歲,囡囡, 一個五歲,仔仔,其實佢兩個都有過打人同唔聽教的經驗,你試下係屋企定一個罸站立的位置,當預到佢打人或無理取鬧時, 我罸佢站立,叫佢收聲時才找返我啦,這個方法幾好呀. 一來你又唔會因為憤怒時大聲鬧仔仔,二來又可以比佢知道打人不對,當佢哭完找返你時,你叫佢說對不起,才抱抱佢,咁又可以教佢認錯,初時你用這個方法可能佢會即刻走開,你可以陪佢站立10秒,你數10秒,然後比佢走開,慢慢佢就知道打人就要罰站立啦,我囡囡現在一哭佢自己就去罰站立位置到,仔仔現在五歲佢都會哭完才找返我,然後我就可以同佢講道理,最好笑係,囡囡哭時,哥哥會拖着妹妹手去罰站立位置,相反,妹妹就會咁做.

作者: s0902400 時間: 2009-4-8 13:57

我曾經都試過,我小朋友都已經3歲多了,時時不好眼神比人係有惡意感覺同動手動腳，令我透不過氣，覺得自己冇能力敎好佢，有一日去街市買餸，見到一個老婆婆揍住個孫仔好得意好乖，同婆婆傾左一陣自己的難處，問題原來係自己，這般行為其實係自己做左家長的鏡子,婆婆說佢係妳生的，點樣都係有心靈感應，妳開不開心佢都會知，同我們做家長的心態只想點敎好佢，而不是由佢內心需求而發的，佢有動手動腳同不好的行為？婆婆說：叫我閉著眼３秒，用自己感覺想一想，當妳揍小朋友返家途中時想一想，就會明白我講的說話？我拖住ｂｂ返家時，一路行一路想，一返到家中即時哭，我抱住ｂｂ問佢，媽媽係唔係打你記住係個心到？佢點點頭，媽媽唔開心你又知呀？佢點點頭，之後我大哭對著仔仔說〔媽媽對你唔住〕不停不停地說：我說：媽媽會改過原諒我：不停不停說，，當時佢用手按著我的嘴，大家都好冷靜（大家眼睛望著對方時）佢說：媽媽我原諒妳．我們大家相相擁抱都說很愛對方，由當日開始食左飯後同爸爸玩耍，而我睡覺前同佢傾聽，我終於明白婆婆的說話．〔〔係用心靈傾聽改變溝通，用愛換醒壓力節奏〕〕

歡迎光臨家長同學會 (http://eparent.schoolnet.hk/forum/)