家長同學會 - Powered by Discuz! Board

標題: 各位父母注意, 香港已經有人拐帶兒童 [打印本頁]

作者: rabbit18 時間: 2010-1-21 21:28 標題: 各位父母注意, 香港已經有人拐帶兒童

當同小朋友出街一定用眼”釘”住佢!!!

今日聽到一件事令我覺得原來香港都會咁可怕!我朋友的同事前2個月同佢個女係沙田宜家家私入面行街 ,當佢個女同其他小朋友一起玩緊時可能個媽咪唔太注意,  轉眼間發現唔見左個女於是即刻搵宜家家私的經理幫忙好彩個經理聰明即刻叫人關哂所有閘唔比人出入  , 搵左好耐發現個小女孩係女洗手間但係當時個小朋友係呆左 (相信係已經比人呃左食迷藥)仲要比人剪短左頭髮而且仲要換左第2套衫 ,  好彩趕到搵個小女孩咋如果唔係一定係比人捉去大陸賣或者做乞衣啦  !但你地有冇諗點解個經理會咁聰明即刻關閘  ?  我諗應該係唔只發生一次啦  !  所以大家小心唔係大陸先會發生d咁o既事o架 !所以所有父母要小心啦 !

呢一個係我親身經歷 , 上星期我個仔都差d 比人拐走

          上星期2010-1-15 下午5時 , 我帶住個仔 (3歲精靈可愛 ) 行經荔景邨仰景樓個遊樂場 , 好多小朋友係度玩 ,(有新移民小朋友)我個仔扭計要玩 ,我咪比佢玩陣 ,佢係咁同其他哥哥姐姐玩 ,我初時都有跟貼 ,其後我坐左係櫈上 , 其間朋友电話打來 ,正當我講電話時 ,我見有個約 6歲左右似新移民個細路 ,推住我仔背脊 ,帶左我仔入兒童中心內玩 , 我立即跟住行及望實 , 我在門外傾完电話立即入去貼身跟實個仔 , 我都望住果個6歲左右似新移民個細路做乜帶我個仔去第二度 .

         玩左一陣我帶返個仔出外邊 , 個仔扭計仲要玩 ,我再比佢玩陣 ,起初個仔都係遊樂場設施上玩 , 玩玩下 ,我個仔手上有個波 , 佢話係哥哥比佢玩 ,我無為意 ,跟住又坐埋一邊睇住個仔玩 , 我見個仔幾個約5--7歲嘅哥哥玩追逐遊戲 , 起初佢地跑嘅範圍不大 , 跑下跑下跑左去一個較遠嘅大花槽圍住長型大花槽跑( 每個圈都有一段約30米直路) 個仔會消失在我的視線內 , 我嘅視線一直有盯住我個仔 ,

         到跑完第 4個時 , 我都一直望住花槽尾 , 我相信佢地應該會好似之前咁轉返出來花槽前面再兜圈跑 , 點知今次就係唔轉出來 , 佢地引領住我個仔直跑左入兩座大厦交界處 ,又再次在我視線內消失 , 我以為佢地會跑番出來 , 点知一諗 , 該處可以進入大厦 , 又可以去到大厦後面空地 , 該空地再分左右很大 , 可以通去很多地方 , 有且又未見佢地出來 , 我立即醒覺 , 高速跑到大厦入口唔見哂佢地 ,  但聽好似樓梯有小朋友聲音 , 再跑去大厦後面空地左右望都唔見個仔 , 心裡即時有d 急 , 即刻跑回大厦入口問保安員 ,  剛剛有無約4-5名 3--6歲小朋友進入大厦 ,  保安員答無  ,但分析保安員無理由要呃我 , 我立即跑去大厦後面空地 , 向右望係公園休憇地方 , 淨得老人家無小童 ,  我立即決定左轉再穿過大廈地下車路通道 ,  後面係一條長車路及有個 car part ,泊左好多車 , 我再跑前一段 , 我見到我個仔被一個小童引領住 ,  在我前面120 米馬路旁行人路一直向前走 ,  我即刻大聲喝住我個仔叫停佢 , 我個仔擰轉頭望一望我 ,再繼續追住個約6歲大小童向前走 , 我立即高速跑過去捉實我個仔 ,我見前面個小童約6歲 , 新移民 Look , 手上拿住一個波 ,  我即時諗起我睇過星期二檔案 2009-12-1 講拐童 ,  d 手法一樣 , 都係先用玩具同你個仔玩 ,  攞到佢個心 , 就拿住件玩具引佢走 ,  我當時好嬲 , 想打個佢幾巴 , 雖然我唔夠証據証明佢有意圖拐帶我個仔 ,  但佢居心可測 , 我亦相信個佢真係有心拐帶 , 佢父母一定在附近監视住 .

         個靚仔用件玩具先同我仔玩 , 再引佢跑離現場 ,足足跑左成200米 ,仲轉多幾個彎 , 等你去到分叉路口唔知轉邊一邊找 , 增加你尋找時間及難度 .

今次執番個仔真係好彩 , 睇少眼都無左啦 .比人拐左番大陸 .

***名位為人父母者 , 如帶小朋友到公眾場所及公園 , 請好好睇緊自己小孩 , 當d 拐童者知道你緊貼住你孩子 , 而視線又無離開 , 他們就知道沒有機會可以下手 .

綜合拐童共通點 :
1) 可能出動小孩 , 新移民或大陸仔機會較大 (因土生香港人做唔出咁xx嘅事)
2) 小孩可能約5-7歲 , 巳懂得配合父母吩咐行事
3) 5--7歲小孩主動跟你 2--3歲孩子玩 , 就一定要小心
( 可疑之處 : 一般5--7歲小孩巳懂事 , 不喜歡跟 2--3歲孩子玩 , 因為佢地覺得2-3 歲乜都唔識 ,点一齊玩 . )
4) 有機會利動玩具  或一齊玩追逐遊戲 ,可以更易引領你孩子跟佢地跑去更遠的地方

作者: jyylee 時間: 2010-1-25 10:07

這恐怖事件一定要讓警方知道及加緊留意，請問你報了警沒有?

作者: iknorange03 時間: 2010-1-25 10:21

其實我都見過幾次呢d報導, 當然我明白一定要小心d, 但係都好想知你有冇報警, 因為真係好大件事...
等多d家長小心都好!

作者: ohbear 時間: 2010-1-25 10:31

Please note that this may not be true. Please read the following post:

http://www.getjetso.com/forum/thread-306163-1-1.html

Of course, when kids are outside, 家長都係小心d好!!

作者: adaplng 時間: 2010-1-25 10:34

之前我都有睇過宜家果件事，但宜家方面巳經澄清有關近日網上惡意流傳有小孩懷疑於宜家傢俬沙田分店被拐帶及後尋回之事件，從未發生該項事宜。

嘩！估唔到遊樂場都真係有人拐帶，你一定要報警啊！比多d家長知道！

作者: s0901922 時間: 2010-1-25 10:52

多謝你的提醒. 有時係大型遊樂場真係好難跟住小朋友, 因為佢地真係跑得好快, 而且我有兩個小朋友, 下次都係等爸爸放假時才去公眾遊樂場啦.

作者: flocfy 時間: 2010-1-25 11:29

嘩！真定假呀！好嚇人呢？不過讀完ohbear那篇文章後，就覺得應該只要謠言，如果真的咁大件事，無理由沒有新聞報導啦！

作者: s0905936 時間: 2010-1-25 15:52

小心為妙

作者: fafa 時間: 2010-2-3 14:26

世界咁大咩人都有，壞人唔會係額頭寫個" 壞蛋"兩個字，作為家長當然要小心看管小孩，但也要好好教導小孩一定要"小心"不要跟其他人走咗去。
點解新聞報導無講呢單新聞，究竟係唔係真家?

作者: rati 時間: 2010-6-6 13:59

（一般5--7歲小孩巳懂事 , 不喜歡跟 2--3歲孩子玩 , 因為佢地覺得2-3 歲乜都唔識 ,点一齊玩）5好咁下定论我个囝6岁但系好钟意同细过他的小朋友玩 2-3岁的小朋友他都好钟意会主动走过去带他玩的而且从你的说话中可看出你对大陆的人有偏见边度的人都有可能系坏人但大多数系好人来的香港现在有好多新移民 5通全系坏人吗

小心看管小孩才是上策

作者: s1012487 時間: 2010-6-25 16:18

家長小心都好

作者: angelawong930 時間: 2010-7-29 16:30

哇~~多謝你的分享!!!!
原來香港都有d咁可怕既事....

歡迎光臨家長同學會 (http://eparent.schoolnet.hk/forum/)