Board logo

標題: 小朋友在玩某東西時，被別人搶來玩，如何處理？ [打印本頁]
作者: jacko    時間: 2009-12-3 10:33     標題: 小朋友在玩某東西時，被別人搶來玩，如何處理？

很多時候，家長也會帶小朋友到公園玩的。有時，小朋友會喜歡拿別人的東西來玩的，就好像以下那位家長面對的情況一樣：


(1)
尋日去公園，阿囝玩緊個轉盤，點知有個 2 歲幾嘅小朋友推開阿囝之後搶咗黎玩。我叫阿囝自己同個小朋友講係佢玩先，叫個小朋友比返佢 (人地話大人唔好介入小朋友嘅糾紛)，不過可能個小朋友太細，繼續玩。之後阿囝推開個小朋友，重開始大力。我驚佢整痛小朋友，叫阿囝去玩第 2 樣玩具。阿囝覺得好委屈，所以喊。


有些家長會用以下的方法處理：


(2)
我一方面會同囝囝講：「唔緊要，比小朋友玩一陣。」等佢玩一陣。如發覺個小朋友無意識想比翻我地，我就會走去同佢講：「小朋友，我地要走啦，囝囝要返去食粥粥啦，下次再玩過。」佢應該都會比翻你嘅。


(3)
我會同仔仔講：「比人地玩先。」或者一齊玩。
宜家仔仔每次都會讓俾人玩先，見人地唔玩自己先去玩，要自細識得忍讓，特別是對比自己細個嘅小朋友。

要小朋友知道呢d唔係委屈，係禮貌。


您覺得以上那三位家長[(1)、(2)及(3)]做得怎樣？如果是您，您又會如何處理？
作者: myrchan    時間: 2009-12-3 15:14

1# jacko

如果我由得人地細路搶左我囡(4歲)既玩具，仲同佢講話咁係禮讓，佢一定會覺得自己好慘，因為最鍚自己既媽咪都唔企係自己一邊，而且，無形中鼓勵佢係我不在場時搶野玩，因為有得益嘛，小朋友仲細時，點會心甘情願犧牲呢？你諗下大人返工或撘車，比人咁hup法，會咩反應？我覺得做父母要身同感受呀！
作者: anniedick1012    時間: 2009-12-3 15:52

以上情況也曾發生過, 我曾同囝囝(4歲)講: 讓下小朋友, 我地可以玩其他設施先, 之間再返來玩; 如果大家各不相讓, 就浪費了時間...其他設施/玩具都好想同您玩, 因為你係一個乖孩子, 媽媽好想你做得到... {與此同事, 其實都有小小責備那不認識的小朋友, 點解要搶著玩唔係好孩子} :p
開頭佢都會唔份氣, 還推那小朋友, 但我會拉一拉他, 之後重複說多一次以上要求, 佢就好不情願地走開, 之後玩其他設施, 就唔記得之前要玩的...

但係如果佢同爺爺一起去玩, 預到以上情形, 爺爺會話佢無用, 唔同人搶..., 我知道之後,都會同佢做番輔導, 但一定係之後的事, 因為我不在場...有時都明白要小朋友去處理/明白在不同的人與事上的矛盾, 只能讓他由"心"出發, 盡媽媽責任教得多少就多少!
作者: simonchou    時間: 2009-12-3 23:55

我想要先理解下這小朋友的爸爸或媽媽的立埸.

如果與你的立埸一樣---小孩要學習分享! 問題容易處理!

相信你遇到的並非此情況!

如果對方家長愛理不理, 可考慮理直氣壯兼柔和地, 幫一幫, 教這小孩要守秩序!

透過語言及身體語言, 兩歲的小孩應有能力去理解! (態度親切而表情豐富)

鼓勵自己孩子多玩一、兩分鐘後, 玩其他有趣的設施. 能讓這位小朋友玩.

回家教孩子守秩序、分享、礼讓等等的生活智慧!
作者: jacko    時間: 2009-12-4 15:57

myrchan：

您說得對！只將玩具讓給別的小朋友，不是最好的方法。但如何處理才比較好呢？不妨繼續看下去。


anniedick1012：

那也不一定要各不相讓的。我建議，家長見到這類情況，不妨走到兩位小朋友身邊，做一些可以吸引兩位小朋友的東西 (如：放些東西在掌心，然後手握權頭，然後到小朋友面前，跟他們說：「您們估一估，我手上拿著什麼？」)。因為當時兩位小朋友可能情緒很高漲 (被搶東西的小朋友很憤怒；搶到別人東西的小朋友很興奮)，您說什麼，他們也聽不進耳。所以，可先用些方法，轉移他們的情緒。

然後，可嘗試教導兩位小朋友 (特別是搶人玩具那位)，玩玩具要守規則，一個跟一個。或者您可以教一教搶到別人東西的小朋友，如果看見別人在玩玩具，您可以先問一問別人：「可不可以一起玩？」要先問人，做個有禮貌的小朋友。那同時是在身教自己的小朋友：別人做錯，便要冷靜的跟別人說清楚對錯。


simonchou：

您帶出了一個非常重要的訊息：別人的家長是否一位講道理的人呢？ (所謂有其父 / 母必有其子 / 女……)

如果他 / 她是一位不講道理的家長 (子女搶別人玩具，反罵您小朋友那種)，那麼，便要看您自己是那一類人了。本身是比較易情緒激動的家長，我建議先跟小朋友離開現場 (不然只落得一個不歡而散的下場)。如果您EQ夠高，可以在心平氣和的情況下嘗試說服那位家長的話，便功德無量了！(不過，說真的，相信說服他 / 她的成功率也不高......)
作者: myrchan    時間: 2009-12-5 03:56

其實這個問題困擾了我和老公一段時間了，多謝大家給予寶貴意見。我都同意應協助在孩子之間講清楚，這亦是課程中教授的方法。

最近，我囡同一位要好同學吃午餐，我囡先吃完，所以有得玩玩具，這是一早訂下的規則，但由於那玩具是那同學帶來的，那同學便一直嚷著要取回，我囡好理直氣壯告訴他未吃完不應玩。我老公就叫我囡將玩具交還別人爸爸，我囡也肯。點知，那爸爸不敵其仔苦苦哀求，又將玩具交了給其子。我囡便很不開心望著我，很委屈似的。

可見，父母教法不同，跟本無野好講。最好盡快離開現場，免自己孩子受影響。唔知大家認為如何？
作者: jacko    時間: 2009-12-5 23:31

其實這個問題困擾了我和老公一段時間了，多謝大家給予寶貴意見。我都同意應協助在孩子之間講清楚，這亦是課程中教授的方法。

最近，我囡同一位要好同學吃午餐，我囡先吃完，所以有得玩玩具，這是一早訂下的規則，但 ...
myrchan 發表於 2009-12-5 03:56
對。要說服別的家長，當然不容易。正如我上面提及過，離開現場是其中一個不錯的做法。

不過，我覺得，既然您學習了我們那麼多正確的培育子女的概念和技巧， 家長智能比別人高，如果您不介意的話，有機會教一教其他「迷途羔羊」，令他和他的小朋友受益，那就最好了。我會衷心感激您   (您可能因此救了一個小孩，令他日後不會被寵壞)。

當然，難度是十分高的，亦很容易說得面紅耳赤 。所以，如果您覺得自己未必忍得到的話，我還是建議您「走為上策」了
作者: s0902534    時間: 2009-12-14 14:34

呵呵。。一般來講，都係走為上策的了。



歡迎光臨 家長同學會 (http://eparent.schoolnet.hk/forum/) Powered by Discuz! 7.0.0