求教－囡囡同爸爸講：爸爸我真係好唔意你阿媽！

s0902534

囡囡三歲幾，語言各方面比較老成。由於嬤嬤經常戲弄她。所以Ｅ家成日講：我唔鍾意嬤嬤。
一話去嬤嬤屋企食飯。囡囡就話：我唔去嬤嬤屋企。打電話都唔肯同嬤嬤傾電話。前晚一聽到係嬤嬤打來就即刻收線。跟住嬤嬤又打來我聽就話：做乜唔聽電話？話係我囡收線就話：越大越衰了。你教下佢嘛！

我真係唔知點教了。請教下大家有咩方法可以幫下我。
我哋冇一齊住，不過個個禮拜六日晚去食飯。但嬤嬤經常同囡囡玩時講些無聊又冇意思的說話。
例如：
嬤嬤：屋企邊個最衰啊？爸爸衰啊定係爺爺衰啊？
囡囡話：邊個都唔衰。都係好人。。唔可以話人哋衰嘅。（佢經常咁樣問我已教咗囡囡唔可以咁講）
嬤嬤故意大聲嚇她：邊個話嘅？


囡囡玩緊玩具。
嬤嬤：唱下歌仔俾我聽下。
囡：唔唱。
嬤嬤：肯定唔識唱的啦。
囡：我識唱
嬤嬤：我都話你肯定唔識唱。蠢蛋點識唱歌啊。
囡惱：我唔唱俾你聽。我唔係蠢蛋！
並好委屈走過來同我講：媽咪，嬤嬤叫我唱歌我唔想唱她就話我蠢蛋。
嬤嬤：哈哈哈。。好似覺得咁樣玩好過癮。其實對囡囡的傷害已好大。因為夜晚發夢講得好大聲。話：我唔係蠢蛋。我唔唱。
因為太多次我都意識到問題的嚴重。所以跟爸爸傾下。爸爸話：咁你下次直接同嬤嬤講吧。我話我都講咗好多次了。都係咁。
囡囡係一旁插口：爸爸我真係好唔鍾意你阿媽！
爸爸笑。我問話唔好咁樣講嘢。她又話：媽咪我唔鍾意你家婆。我吃驚因為冇同她講過呢D話題。問她：我家婆係邊個啊？
她話：我唔知啊。跟住自己用被蓋住面。

嬤嬤唔係一兩次咁。經常都係。如果唔去又唔幾好。但每次去完囡囡對她越反感。同嬤嬤講過多次但冇乜改變。總之她覺得呢D弄孫為樂吧。我應該點教個囡？？

iknorange03

可能係偏激d, 但我覺得可以試吓去少d嬤嬤度（如果你已經同佢傾過而冇改變的話）俾嬤嬤知道吓都好﹗

wcsw

I don't have much experience, but I am sympathetic to your situation.

If I were you, I would tell the grandma directly that if she continues to talk to the kid like this, we would visit them less frequently.  (Of course, it will be better if your husband talks to her instead of you ......)

s0902747

睇完個內容，老實講以我本人脾性，我一聽到已經好反感，呢個嫲嫲完全教壞細佬，行為令人討厭，連3歲嘅小朋友都開到口話唔鍾意，仲好明顯受到傷害，我一定唔會再帶個小朋友去探佢，更加會講清楚個原因，佢話個小朋友越大越衰，我會講清楚唔係父母無管教，而係佢本人嘅問題，好明顯小朋友唔會虛偽，唔鍾意即刻講出嚟，其實可見到父母嘅管教已經唔差，至少小朋友無直接當住嫲嫲面話唔鍾意佢，但作為大人尤其身為父親兼兒子角色，著實要與嫲嫲好好講清楚，作為新抱有時對家婆嘅行為都難以啟齒，影響婆媳關係，如果嫲嫲依然故我，我就真係會講明為啫女兒感受而拒絕/避免再與嫲嫲接近…

s1007423

老實講我覺得唔係你個女問題, 宜係佢嫲嫲有問題, 有セ理由会問"屋企邊個最哀?" 我想再係咁落去, 你個女終有一次講"最哀咪係嫲嘛你囉!"
我覺得你丈夫應該同佢阿媽講清楚, 因為小朋友的心靈好容易受傷害, 或者呢段時間唔好見咁密住, 等大家d關係好返至見密d啦!

s1007597

我覺得應該又爸爸同嫲嫲講好 d..!　其實我覺得令老人家用我地而家的方法教小朋友不是很容易．
如果因為咁樣而少去嫲嫲度又唔係太好，亦等於認同左小朋友對嫲嫲的觀點. 另一方面我覺得如果可以令小朋友學習如何溫和面對別人的玩笑也是好事, 日後小朋友會面對各式各樣的人, 遇到麻煩人也是在所難免.
其實可唔可以每次嫲嫲用同囡囡玩時, 用溫和的語氣轉左話題, 例如, 如果嫲嫲又問屋企邊個最衰啊! 你可以試下插咀, 不如今次講下邊個最好最乖, 可以講下囡囡的優點, 甚至嫲嫲的優點或威水史. 如果嫲嫲又叫囡囡唱歌時, 你可以參與, 同囡囡一齊唱, 又或者表演囡囡喜歡的東西...!
始終嫲嫲是長輩, 我地也要教識小朋友專重和禮貌...! 如果因為咁樣而少去嫲嫲度又唔係太好，亦等於認同左小朋友對嫲嫲的觀點. 另一方面我覺得如果可以令小朋友學習如何溫和面對別人的玩笑也是好事, 日後小朋友會面對各式各樣的人, 遇到麻煩人也是在所難免.

s1011513

咁真係要好認真同嫲嫲講吓，係要好認真，將你呢篇文既內容講一次俾佢知。同埋如果佢仲係唔覺自己有問題，就要俾佢知道，再係咁你唔會帶囡囡去佢屋企！不過，梗係要好客氣咁講啦，同咩最好由你先生講會好d。

s0902534

首先感謝各位的回覆！
已同爸爸傾過，佢本來係話叫我自己同嬤嬤講。畢竟我也覺得佢講會好些。爸爸也同意再有咁嘅情況就同嬤嬤傾下。
S1007597：呢層我明，因為唔係話一次半次，係次次去都係咁。囡囡本身性格係好溫和的同埋活潑。人又比較老成，她同其他小朋友玩時都會遷讓。對任何人都好有禮貌。唯獨對嬤嬤係咁。我都有同佢如果唔聽嬤嬤電話，嬤嬤係唔開心。她都會唔情願的聽。仲會傾幾句收線。
其實我真係覺得三歲幾個人仔做到咁已算OK了。但嬤嬤一次次都覺得好好玩咁。仲話叫我教個囡喔。同埋話細路仔唔可以贊喔。我囡本身已算乖。但嬤嬤話唔可以贊佢。會贊壞佢喔。話淨係話佢衰就得了。我真係唔識點教了。
同埋我從來也冇諗過因為咁而唔去。因為畢竟爺爺嬤嬤都成日掛住個孫。佢哋得閑又會過來陪個孫飲下茶。而家係禮拜六日晚去食飯。

spberic

冰封三呎非一日之寒，小朋友的反應機本上來自大人所反射。有時新一代的父母與上一代的父母見解及處理事件的方法，都有不同做法。很多時候小朋友在旁觀看到及聽到，但往往會備誤解他們年紀小而在他面前談論對方不是時，末有故及他們的感受，而小朋友亦未有足夠能力分辦是非黑白，小小的心靈只能依靠父母及應同父母的做法。而向另一方反射出去。但反觀一件事的發生亦非一方能產生共鳴，成年人必須要小心你的下一代。他們會是未來的主人，我們與上一代的見解有分其的時候要小心向他們解釋。如做不到或一時間自己都未能夠清晰的處理時，就避免在小朋友面前談論，以免引起他們不安。你不防在小朋友面前應同對方的見解，再問他的看法。但千萬不可分開時間來處理，以免引起他們不安的思想，小心靈聽心底的說話。一家人和諧共融比誰是誰非重要很多。祝家庭和睦健康！！

iknpansy06

我不明白什麼是'少去嫲嫲度又唔係太好'? 她是你的女兒，她的好與壞完全是你的責任。很明顯，這位老人家在教壞小朋友，亦傷害小朋友的心靈。我的小兒亦是三歲多，我教養他的方針很簡單，對他有益就'yes'，對他有害就'no'。你的女兒這麼小便這樣成熟、世故，多是因為這件事很擔心及不開心(尤其在週末時)。去與不去麻麻家她是無選擇的亦是無助的，決定在於你。我想問你如果麻麻是一個吸煙者，次次都要囡囡吸二手煙，你還會去嗎?五歲前小朋友不分是非，聽說話全單照收，五歲後全單講反比你聽。
如果可以令麻麻改變，故然最好，不過請不要有任何期望老人家到這個年紀還會有什麼改變。我現在的做法是平時只有我自己回家和我媽媽吃飯，小兒只在大節日大家都回家時出現。其實老人家只是悶想有人陪，不一定孫兒，兒子也可。我情願小朋友對老人家不是太稔熟，也比她對她反感，憎恨她，什至發惡夢見到她更好。有時理解小朋友的心事然後去應同她也是一種關懷。

fionawong

我的情況和你一樣！我囡囡今年四歲，她常常也會記得歲幾至三歲時，嬤嬤每星期和她出街時的唔開心時！由於當時她在婆婆家，每星期嬤嬤一定去找她！次次也是在哭喊中出去，跟本就不想去，但我媽咪就無可能叫嬤嬤唔好咁.....現在我成為全職媽媽，嬤嬤就無來我家，就只是有時去食吓lunch！但囡囡也唔想見她，我問囡囡為何唔想見嬤嬤？她次次也好慘地對我和爸爸講，唔想聽嬤嬤說話....(相信是幾令她不安的話)...次次也哭訴好久...！但爸爸問嬤嬤為什麼，她說唔記得做過咩？
所以我也好想得到專業的意見，可以如何解決此事！因為奶奶無論點，永遠也是囡囡的嬤嬤，老公的媽媽！

s0905608

我真的好同情s0902534呢, 我老爺同奶奶間中會來我家住幾日都已令我很煩惱, 因為他們經常我兒子(五歲)面前講粗口(日日都由朝講到晚), 我同我先生講叫佢同佢地講唔好在阿B面前講粗口, 但結果係佢地話" X! 以前都係咁嫁啦!" 佢地無改善仲令我同佢地的關係越來越差, 我更經常靜靜地哭...! 真係有苦自己知呢