http://www.facebook.com/profwong
另外文章：自學色士風的迷思（會不會學壞手，走冤枉路？）
「我 20歲，學琴會唔會太遲？」網上討論區不時有這類留言，彷彿學樂器是小朋友專利。比巴打們年長成倍的恒生管理學院協理副校長黃寶財， 50歲才學色士風，上了八堂不習慣教師的教學方法，決定自學，二年後考獲五級資格，準備今年十一月考八級。原來他無管不歡，單簧管、長笛、口風琴、到雲南吹管葫蘆絲皆是心頭好，活到老吹到老。記者說他有慧根，他說只是學得其法，「學習要講智慧同方法，邊 有咁多天才波打」。
黃教授這股吹奏狂熱，說來要感謝細仔一次駁嘴：「佢學小提琴，早兩三年進展唔係咁好，咁我諗住教吓佢，點知佢話『你識咩呀？』 我諗諗吓，係喎，我都唔識樂器點教佢？」數理出身的他，千百款樂器中選中色士風，也經過計算，「吹彈拉打四種類別，拉就最難上手，吹就最易入門，咁大個人 學樂器都係求開心啫！何況色士風幾千蚊支，已經係中高班，同等價錢買個小提琴只係入場，拉一年可能就拜拜」。
找了個導師，兩個月後即師徒緣盡，「好多嘢佢解唔到畀我聽，剩係叫我練多的，唔係就話遲啲我就會明，我未掌握手指及吹氣，佢就叫我留意大小聲，攪到我上課都很緊張，我同呢位老師應該唔係咁夾」。好老師難求，作為訊息工程學系專家，自然上網上找「老師」，各大教學網站由怎樣吸氣呼氣、按指、以至樂曲試演一應俱全，又到琴行搜購合心水的色士風書籍和樂譜，自行參透。
黃寶財：後生冇乜學習智慧
自學看似容易，付諸實行又是另一回事， 「吹低音係好唔穩定 o架，有時又發唔到聲，樂譜一開始都唔識睇」。但黃寶財深信只要學習有法，萬事皆可達，由研究自學色士風之道，如開發類似 Flash Card的教學軟件，兩日內將所有大調小調背得滾瓜爛熟；將樂句斷成長短不一的段落，集中火力練習最困難部份；加上作息有時，每天至少練習一小時。當有進展及突破時，就記下鼓勵自己，日子有功下吹奏技巧突飛猛進。
既為自娛，為何考級？「我想感受小朋友面對考試的壓力，又想知道自己去到乜嘢水平！許多人以為考試的目的是取成績，所以很大壓力。就其實考試訂下了範圍，就成為學習目標，讓我們能全面的提升水平。唔考試，就可以求求其其，報了考試，就認真的面對，所以考了試，進步也就會更明顯。」
學藝一年多報考五級，即一次中鵠。「我跟孩子說，我差三分到Merit，他以前考琴僅僅合格，所以不敢再看小爸爸」。當時認為八級之路太遙遠，決定稍事休息做「花心大少」：買長笛由頭自學，又額外買入兩支低音色士風吹奏一番。友人送他單簧管、葫蘆絲各一，他照玩如儀。一理通百理明，吹奏學問能應用各式管樂上，「單簧管我今年四月會考五級，最近玩番色士風，發覺技術又有進步，應該係玩其他管樂嗰陣學到啲新技巧，所以決定 今年底考八級色士風」。
與其說 IQ或 EQ，黃寶財更相信有 Learning Intelligence -LQ（學習智慧）：「後生嗰陣冇乜學習智慧，一遇到失敗就想放棄。人大咗，學識用幾多時間、乜嘢方法先最適合自己，咁就算唔再返學，一樣會叫自己學習。自學就係「學習自由行」，自己摸出一條啱自己的路，而困難就係操fit自己嘅好時機。」開心的是，黃寶財看見孩子練小提琴，這兩年亦突發猛進，或者是見爸爸咁認真的練琴，給他有一點刺激。正自學韓文和日文的他，一臉說服力的說。
記者夏志禮（蘋果日報）
－－黃教授修訂 |
發表於 2011-2-8 15:45
|