同學跟他講〝媽咪叫我唔好同你玩。〞

mbox21

Jacko Sir & 各位家長,

事源,這媽媽聲稱老師已給她食死貓因她自覺兒不懂反駁,心抱怨。那時我沒在意。事發兩星期前, 經常聽到這兩小孩放學互說不要對方(應是小兒先說)。我已立即詢問小兒原因及教導怎也不能這樣說。後又來，當天我就跟老師詢問（什麼事令他說）以便糾正。小朋友為小事爭吵但他倆又喜歡一起玩。其後跟這在職媽陳述一片，希望她放心。

怎料她後致電怒罵，說什麼她自有教兒方法，希望他們調遠啲，越遠越好（怎麼調了位？），最好不要把她及她兒在老師面前再拉上關係，等我睇下老師到時點寫等等…在這幾個小時裡，我還以為有誤會或小孩做了什麼大錯？令她如此生氣。我才覺悟是她的總結：我唔想你個仔影響我個仔嗰成績表!

之後，小兒放學很氣的說  "佢講大話，佢姐姐叫佢唔好同我玩!" 。我問他的感受如何？答 “不高興”。我跟他說，那明天跟別的孩子玩，交別的朋友，交多點朋友玩才高興。你交新朋友，媽請你糖。在糖果引誘之下，交了新朋友。但四日後，小兒放學很傷心的僂著我沒說話。查問之下，他說 “佢媽咪叫佢唔好同我玩，佢講大話。” 說完他靜靜的伏在我身很久…我只跟他說，不要跟沒禮貌的人做朋友，交別的朋友啦。跟著數他熟悉的小朋友名字。

別人怎教仔，我不管。自知要做好自己，令他開心快樂地成長，才對得小兒。但家長這樣的行為會影響小兒的心理發展，這我最為重要！原本帶著小事化無的心態為免影響小孩，請問現在該怎樣做才好呢？

謝謝各位幫忙。

eclipse2006

" 我就來嬲到爆!"
"d咩家長來架, 小朋友講句 "殺死你", 就去寫紙仔比老師, 問老師佢個仔係邊處學返來."
"佢個仔同我個仔互說唔同對方玩, 佢又寫紙仔比老師, 問發生了什麼事....."
"佢個仔坐係我個仔旁邊, 佢個仔同我個仔玩得最多, 佢咁樣即係係老師面前不斷投訴我個仔."
"今日仲要打電話同我講, 想同我傾下, 了解兩個小朋友既情況....."
"老師已經將兩個小朋友調開坐, 佢仲想點?"
"佢點對佢個仔, 我無權理, 但係佢搞到我個仔係老師面前好似好有問題, 我真係好嬲."
"瞓左一晚, 仍然好嬲. 猶記得我個仔是bb時, 她見我帶他返 playgroup, 她又跟著返, 她的兒子係學校鍾意掃玩具落地, 我個仔見了又學. 我用左好耐時間, 先教好我個bb唔好掃玩具落地, 我都未怪過佢個仔教壞我個仔. 而家佢竟然成日向學校投訢人地教壞佢個仔!"
"小朋友返左學, 會互相影響.  我從無介意個仔學了什麼回來, 最緊要是自己點樣教個小朋友, 什麼要接收, 什麼不要接收.  在校只是三個小時, 為何時常要問老師點解個仔會學左呢d野?"
"小朋友握手, 鬥大力, 亦好平常, 點解又問係邊處學返來?  小朋友有創造力, 呢d遊戲唔駛學.  小朋友鬧意見, 互說不同對方玩, 也很平常, 見他們第二天又玩作一團, 我也從沒擔心, 沒有特別去過問."
"佢咁怕個仔受人影響, 咁就最好唔好同我個仔玩啦.  免得我個仔又比人懷疑教壞人!"
"我同我個仔講, 媽咪唔係憎個小朋友, 係怕左佢阿媽."